U Hrodnie adbyŭsia nalot na juvielirnuju kramu, rabaŭnik pahražaŭ nažom
Uviečary 31 studzienia ŭ adnoj ź juvielirnych kramaŭ Hrodna mužčyna, pahražajučy pradaŭcu nažom, zabraŭ 19 najmieńniaŭ załatych vyrabaŭ, paśla čaho ŭciok, paviedamlaje pres-słužba Śledčaha kamiteta.
31.01.2022 / 22:23
Śledčyja na miescy złačynstva.
Pradavačka paviedamiła pra zdareńnie milicyi, nacisnuŭšy knopku tryvožnaj sihnalizacyi. Śledča-apieratyŭnaja hrupa, prybyŭšy na miesca, apieratyŭna praviała vyšukovyja mierapryjemstvy i vyznačyła padazravanaha. Im akazaŭsia raniej nieadnarazova sudzimy 43-hadovy žychar Hrodna.
Padazravany zatrymany supracoŭnikami DAI ŭ Ščučynskim rajonie. U momant ździajśnieńnia złačynstva mužčyna znachodziŭsia ŭ stanie ałkaholnaha apjanieńnia. Zaviedzienaja kryminalnaja sprava pa artykule 207 (razboj) Kryminalnaha kodeksa Biełarusi.