Studenta zatrymali za try pałoski na zaplečniku
Tolki zaraz stała viadoma, što padčas suda nad spartyŭnym žurnalistam Alaksandram Ivulinym 10 sutak aryštu atrymaŭ 19-hadovy student-treciakurśnik Pinskaha piedkaledža Illa Dabradziej. Taki prysud jamu vyniesła suddzia Natalla Dziadkova z suda Partyzanskaha rajona Minska, paviedamlaje pravabarončy centr «Viasna».
31.01.2022 / 20:33
Illu zatrymali 17 studzienia ŭ sudzie Savieckaha rajona Minska, kudy jon pryjšoŭ padtrymać žurnalista i futbalista Alaksandra Ivulina. Milicyjantam nie spadabalisia try bieł-čyrvona-biełyja pałasy na zaplečniku studenta.
Na Dabradzieja skłali pratakoł pavodle art. 24.23 KaAP, abvinavaciŭšy jaho ŭ niesankcyjanavanym pikietavańni.
Na sudzie 19 studzienia Dabradziej svaju vinu nie pryznaŭ. Choć na zaplečniku jahonym sapraŭdy jość bieł-čyrvona-biełyja pałosy, ale svaje palityčnyja pohlady jon praź ich nie vykazvaŭ.
Tym nie mienš, suddzia pryznačyła jamu 10 sutak aryštu, jakija jon, vidać, užo adbyŭ. Choć u biahučaj praktycy represiŭnaj sistemy biaskoncaje dadavańnie terminaŭ adsiedki pa nadumanych abvinavačańniach tym, chto niečym nie dahadziŭ — zusim nie redkaść.