Na Łukašenku i jahonych paplečnikaŭ padali pazoŭ u Haahu
Polski advakat Tomaš Viliński padaŭ zajavu ŭ Mižnarodny sud u Haazie suprać Alaksandra Łukašenki i kiraŭnikoŭ niekalkich siłavych viedamstvaŭ, paviedamlaje Narodnaje antykryzisnaje kiravańnie Paŭła Łatuški.
31.01.2022 / 19:48
Budynak Mižnarodnaha kryminalnaha suda ŭ Haazie. Fota: Dudlajzov / depositphotos.com
Juryst zaklikaŭ prakurora Mižnarodnaha kryminalnaha suda ŭ Haazie pačać rasśledavańnie. Paviedamlajecca, što padadzienaja zajava źmiaščaje 160 staronak abhruntavańnia i 40 tysiač staronak dakumientaŭ u dadatku.
Kiraŭnik NAK Pavieł Łatuška adznačaje, što heta važnaja zajava, jakaja jašče da vyniasieńnia pastanovy daść Mižnarodnamu sudu ŭ Haazie prava vydać order na aryšt Łukašenki i abviaścić jaho dy inšych pradstaŭnikoŭ režymu ŭ vyšuk pa linii Interpołu.
Viadoma, što raniej Tomaš Viliński padaŭ zajavu ŭ dačynieńni da Alaksandra Łukašenki ab padazreńni ŭ hienacydzie i złačynstvach suprać čałaviečnaści ŭ Nacyjanalnuju prakuraturu Polščy.