Jak buduć vydavać balničnyja padčas ŭzdymu kavidu
Pry adsutnaści kliničnych simptomaŭ listki niepracazdolnaści buduć vydavacca na termin da siami dzion.
31.01.2022 / 16:52
Što budzie z płanavaj dapamohaj i balničnymi, raspaviała na bryfinhu pieršy namieśnik ministra achovy zdaroŭja Alena Kratkova.
«Kali ŭ pacyjenta jość kliničnyja prajavy, to da 10 dzion, — patłumačyła Kratkova. — U vypadkach, kali jość padazreńni ci niejkija inšyja prajavy, jakija patrabujuć bolš praciahłaha lačeńnia, to listki niepracazdolnaści dazvolena vydavać [na termin] da 21 dnia».
Što da akazańnia płanavaj dapamohi, to niekatoruju dapamohu buduć čaściej akazvać doma.
«Heta zroblena dla taho, kab nie pavyšać ryzyku mahčymaha zaražeńnia pry naviedavańni paliklinik, — skazała Alena Kratkova. — Kali niama terminovaści ŭ płanavaj dapamozie».
Namieśnica ministra paraiła ŭsio ž adkłaści svoj pachod u palikliniku na inšy čas.