З прыходам у Беларусь «амікрона» на кавід сталі хварэць дзеці — больш, чым у папярэднія хвалі
Дзеці хварэюць пераважна ў лёгкай форме.
31.01.2022 / 16:14
«Па ўсёй краіне на лячэнні ў бальніцах, паводле звестак на 28 студзеня, знаходзіліся 696 дзяцей, з іх трое — у рэанімацыі. Але 31 студзеня двух ужо перавялі з рэанімацыі ў лячэбнае аддзяленне. На ШВЛ дзяцей з COVID-19 няма», — расказала сёння на брыфінгу першы намеснік міністра аховы здароўя Алена Краткова.
«Сітуацыя кантралюемая — ложкаў для лячэння дзяцей хапае», — дадала намесніца міністра.