Жыхары Ганконга бароняць хамякоў, якіх улады загадалі знішчыць як разносчыкаў каранавіруса
Для выратавання жывёл стварылі петыцыю на change.org. Яна набрала ўжо больш за 36 тысяч подпісаў.
21.01.2022 / 23:39
Фота ілюстратыўнае, Hintau_Aliaksey / depositphotos.com
Аматары жывёл у Ганконгу ўстрывожаныя жаданнем мясцовых уладаў забіваць хамякоў і іншых дробных грызуноў, у тым ліку шыншыл, трусоў і марскіх свінак, бо яны, маўляў, пераносяць каранавірус.
Неабыякавыя людзі стварылі петыцыю, накіраваную на абарону жывёл, зараз дакумент падпісалі больш за 36 тысяч чалавек. Таварыства па прадухіленні жорсткага абыходжання з жывёламі таксама асудзіла варварскае рашэнне. Валанцёры перахопплівалі клеткі з хамякамі пад носам у чыноўнікаў.
У сваю чаргу, улады пагражаюць зааабаронцам судамі.
Хамякі трапілі пад падазрэнне пасля таго, як 23-гадовая супрацоўніца заамагазіна стала першым за тры месяцы чалавекам, які заразіўся дэльта-штамам каранавіруса.
Пасля таго мясцовых жыхароў папрасілі здаць усіх хамякоў, набытых пасля 22 снежня мінулага года. Менавіта ў гэты дзень у заамагазіны Ганконга паступіла новая партыя грызуноў, якія маглі быць заражаныя каранавірусам.