Ułady abviaścili datu, kali adnoviać ruch na Niamizie. Jana ŭražvaje
Jak prasoŭvajecca budaŭnictva novaha puciepravoda na Niamizie — na miescy taho, što abvaliŭsia 8 studzienia, padčas pres-kanfierencyi paviedamiŭ namieśnik hiendyrektara «Harramaŭtadara Minharvykankama» Uładzimir Łatuškin, paviedamlajuć «Minsk-Naviny».
19.01.2022 / 13:43
Fota: «Minsk-naviny»
Pavodle Łatuškina, novy most budzie hatovy da ekspłuatacyi mienš, čym praź miesiac.
«10 lutaha płanujecca zapusk ruchu pa novym moście. Prablem na abjekcie niama, pracy viaducca kruhłasutačna, pry nieabchodnaści pryciahvajucca raznastajnyja śpiecyjalisty i technika. Usie słužby adna adnoj dapamahajuć, apieratyŭna reahujuć na nieabchodnaść u śpiecyjalizavanaj technicy, prastojaŭ nie ŭźnikaje. Kali raniej na niejkich budoŭlach mahli syści dzień-dva na pošuk, da prykładu, 100-tonnaha krana, to siońnia na hety pieršačarhovy abjekt usia nieabchodnaja technika dajecca apieratyŭna — skazaŭ Uładzimir Łatuškin.