Кампанія Panasonic прапанавала супрацоўнікам працаваць чатыры дні на тыдзень
Работнікі японскай кампаніі змогуць у свой дадатковы выходны, калі захочуць, падпрацоўваць у іншым месцы ці займацца валанцёрствам, паведамляе Bloomberg. Але могуць і проста адпачываць.
10.01.2022 / 23:40
Штаб-кватэра кампаніі Panasonic у японскім горадзе Кадома. Фота: Вікіпедыя
Акрамя таго, для некаторых спецыялістаў кампанія Panasonic ўвяла магчымасць працаваць з дому.
Кіраўніцтва кампаніі спадзяецца, што дзякуючы новаўвядзенню супрацоўнікі змогуць знайсці баланс паміж працай і асабістым жыццём.
«Магчымасць працаваць чатыры дні на тыдзень дазволіць кампаніям захаваць кваліфікаваных спецыялістаў, якім у адваротным выпадку давялося б пакінуць працу, каб займацца выхаваннем дзяцей або даглядаць за пажылымі бацькамі», — пракаментавалі новаўвядзенне ва ўрадзе Японіі.
Але ўвогуле гэта тэндэнцыя. Ужо каля 8% японскіх кампаній прапануюць супрацоўнікам больш двух выхадных дзён у тыдзень.