Maršrutka na Minsk trapiła ŭ strašnuju avaryju. Adna z pasažyrak zahinuła za dzień da dnia naradžeńnia
Uviečary 2 studzienia 27-hadovy mužčyna na Opel Vivaro jechaŭ u bok Słucka pa aŭtadarozie «Minsk-Mikaševičy». Pablizu vioski Basmanoŭka Uździenskaha rajona jon nie ŭličyŭ hałalod, vyjechaŭ na sustrečnuju pałasu i sutyknuŭsia ŭ łob z maršrutkaj Peugeot, jakaja jechała ŭ Minsk.
03.01.2022 / 10:33
Fota Śledčaha kamiteta
U vyniku DTZ 24-hadovaja pasažyrka Opel Vivaro pamierła na miescy ad atrymanych cialesnych paškodžańniaŭ. Abodva kiroŭcy i dzieviać pasažyraŭ maršrutki atrymali traŭmy roznaj stupieni ciažkaści, usie špitalizavanyja.
Śledčy kamitet paviedamlaje, što na kiroŭcu Opel zaviedzienaja kryminalnaja sprava pa č. 2 art. 317 KK (parušeńnie praviłaŭ darožnaha ruchu asobaj, jakaja kiravała transpartnym srodkam, što paciahnuła pa nieaściarožnaści śmierć čałavieka).