«Dačka» rasijskaha «Interfaksa» sychodzić ź Biełarusi
Infarmacyjnaje ahienctva «Interfaks-Zachad», jakoje pracavała ŭ Biełarusi z 1994 hoda, abviaściła pra spynieńnie dziejnaści z 1 studzienia 2022 hoda «ŭ suviazi sa źmienami, uniesienymi ŭ Zakon ab srodkach masavaj infarmacyi Respubliki Biełaruś u mai 2021 hoda».
31.12.2021 / 19:41
Pa dziejnym zakanadaŭstvie, zasnavalnikam ŚMI ŭ Biełarusi nie moža vystupać zamiežnaja jurydyčnaja asoba, a taksama zamiežny hramadzianin abo asoba biez hramadzianstva. Akramia hetaha, im nie moža być jurydyčnaja asoba, u jakoj 20 abo bolš pracentaŭ akcyj vałodajuć zamiežnaja dziaržava ci zamiežnyja hramadzianie.
U ahienctva «Interfaks-Zachad» adzinym zasnavalnikam i ŭładalnikam źjaŭlajecca rasijskaje AT «Interfaks», tamu jano taksama nie moža praciahvać pracu ŭ jakaści ŚMI. Vyklučeńniaŭ dla Rasii zakon nie praduhledžvaje.
Vychadcy z «Interfaksa-Zachad» ciapier pracujuć u kamunikacyjnym ahienctvie «Drajv-miedyja» i na partale Smart Press.