Паўлу Севярынцу споўнілася 45 гадоў. Трэці Новы год запар ён сустракае за кратамі
У палітвязня, палітыка, пісьменніка Паўла Севярынца сёння дзень нараджэння, яму споўнілася 45 гадоў.
30.12.2021 / 09:12
Так сталася, што трэці Новы год запар Павел сустракае за кратамі. Два гады таму на Новы год ён адбываў адміністрацыйны арышт за ўдзел у акцыі супраць інтэграцыі, а 7 чэрвеня 2020 года яго затрымалі, калі Павел вяртаўся з пікета Ціханоўскай у Мінску. Праз год, у маі 2021 года, Паўла асудзілі на сем гадоў калоніі ўзмоцненага рэжыму. Пакаранне ён адбывае ў Шклоўскай калоніі.
Павел таксама адбываў пакаранне з 2005 па 2007 і з 2010 па 2013 гады, тады ён быў асуджаны да хіміі.