З Магілёўскага драмтэатра звольнены бард Аляксандр Баль
Ён працаваў у тэатры загадчыкам музычнай часткі. А ў кастрычніку 2020 года напісаў песню «На Родине моей беда».
29.12.2021 / 20:20
Напярэдадні Аляксандр Баль заваяваў гран-пры фестывалю аўтарскай песні «Пакроўскі сабор» 2021 года.
Калегі павіншавалі Аляксандра, а вось кіраўніцтва тэатра гэта не ўразіла: яно настойліва парэкамендавала звольніцца.
Меркаваная прычына — грамадзянская пазіцыя Баля. У кастрычніку 2020 года ён напісаў песню «На Родине моей беда» пра падзеі, што адбываліся ў Беларусі пасля выбараў.
Цяпер чысткі ў калектывах тэатраў праводзяць па ўсёй Беларусі. Заявы «па дамове бакоў» пішуць не толькі акцёры, але і тэхнічны персанал.