У Беларусь прыйшоў «амікрон». Яго выявілі ў чатырох чалавек
Пра чатыры выпадкі заражэння новым штамам каранавіруса паведаміла Мінздароўя.
29.12.2021 / 14:23
Мінздароўя паведамляе, што сёння ў тэстах чатырох пацыентаў выявілі новы варыянт каранавіруса — «амікрон». Гэта першыя пацверджаныя выпадкі заражэння новым варыянтам у краіне.
Ва ўсіх пацыентаў адзначаецца лёгкае працяканне інфекцыі.
Мінздароўя таксама паведамляе, што за мінулыя суткі зафіксаваныя 1493 выпадкі кавіду, а выпісаныя 1699 чалавек.
За мінулыя суткі памерлі 15 чалавек, зробленыя 27 593 тэсты.