Lidar AHP Mikałaj Kazłoŭ pačaŭ adbyvać trochmiesiačny termin źniavoleńnia
Staršynia Abjadnanaj hramadzianskaj partyi Mikałaj Kazłoŭ 6 žniŭnia byŭ asudžany na 3 miesiacy aryštu za vydavańnie dadzienych śledstva. Siońnia, 28 śniežnia, prysud pa jahonaj spravie ŭstupiŭ u siłu, i Mikałaj pačaŭ adbyvać pryznačany sudom termin.
28.12.2021 / 20:34
Pavodle infarmacyi AHP, Kazłoŭ sam pryjšoŭ u Centralny RAUS da 18.00 pa poźvie. Jaho pravodzili tavaryšy.
Napiaredadni aryštu Kazłoŭ skazaŭ:
«Heta kryminalnaja sprava, u jakoj adsutničaje kryminał. Naohuł. Prysud zasnavany na hłybakadumnych namiokach, a nie jakich-niebudź faktach. Heta jašče adzin haniebny prysud. Ja nie źbirajusia nikudy zjazdžać, nie maju namieru pakidać svaju krainu. Prajdu hety šlach razam z biełarusami».
Abarona Mikałaja Kazłova padavała na apielacyju, adnak druhaja instancyja pakinuła prysud u sile. Nastupnuju skarhu sud jašče nie razhladaŭ, ale heta nie pieraškodziła adpravić Kazłova adbyvać pakarańnie.