Minčuk skraŭ raniej skradzienyja piać tysiač dalaraŭ
U milicyju z zajavaj ab kradziažy kala 5000 dalaraŭ ZŠA źviarnuŭsia 42-hadovy minčuk. Akazałasia, što nie tak usio prosta.
28.12.2021 / 13:57
Jak rastłumačyŭ paciarpieły, jon pradaŭ kvateru ŭ Minsku i časova zasialiŭsia ŭ adnu z haścinic stalicy, kudy zaprasiŭ svaju 28-hadovuju pryjacielku ŭ hości. Kali mužčyna zasnuŭ, hościa dastała z kišeni jaho štanoŭ dalary i pakinuła haścinicu.
Z hrašyma dziaŭčyna adpraviłasia da dvuch pryjacielaŭ, jakim padčas sumiesnaha baŭleńnia volnaha času raspaviała ab bujnoj sumie najaŭnych, jakija maje. Paśla taho, jak dama zasnuła ŭ haściach, 34-hadovy raniej sudzimy za majomasnyja złačynstvy znajomy vykraŭ hrošy, jakija znachodzilisia ŭ dziaŭčyny, i schavaŭ ich u haražy.
Supracoŭniki kryminalnaha vyšuku Centralnaha RUUS stalicy ŭstanavili i zatrymali ŭsich fihurantaŭ, a taksama vyjavili i kanfiskavali vykradzienyja hrošy.