У Беларусі пачалася вакцынацыя дзяцей 12—17 гадоў супраць кавіду
Каб прышчапіць падлетка, бацькам або законным прадстаўнікам неабходна падпісаць інфармаваную згоду на вакцынацыю.
27.12.2021 / 09:51
Фота Мінздароўя
Вакцынацыю можна прайсці не раней, чым праз шэсць месяцаў пасля перанесенага дзіцём кавіду, у адпаведнасці з інструкцыяй лекаў, пры адсутнасці супрацьпаказанняў да вакцынацыі ў дзяцей.
Вакцынаваць будуць кітайскім прэпаратам Vero Cell.
Сёння першым пацыентам у 6 паліклініцы Мінска стаў 16-гадовы Раман.
Тым часам у суседняй Літве ўжо некалькі месяцаў прышчапляюць дзяцей 12-15 гадоў, у Каўнасе ўжо прышчэпленыя 42 працэнты школьнікаў гэтай узроставай катэгорыі. Таксама ў Літве, як і ў ЕС, вакцынуюць дзяцей 5-11 гадоў.