Handlovyja centry abaviažuć davać źnižki na sacyjalna značnyja tavary niekatorym hrupam nasielnictva
MARH viadzie pieramovy z handlovymi sietkami, kab tyja davali źnižki asobnym katehoryjam hramadzian na niekatoryja tavary.
27.12.2021 / 09:30
Pra heta ŭ efiry BT zajaviŭ novy ministr Alaksiej Bahdanaŭ. Na dumku ministra, novy miechanizm dazvolić admianić raniejšuju pastanovu ŭrada, jakoj rehulavalisia ceny na sacyjalna značnyja tavary. Nahadajem, što jana była ŭviedzienaja ŭ lutym, a ŭ śniežni śpis tavaraŭ byŭ značna skaročany.
Bahdanaŭ raspavioŭ, što MARH viadzie pieramovy z handlovymi sietkami, kab tyja davali źnižki asobnym katehoryjam hramadzian na sacyjalna značnyja tavary.
— Hetym miechanizmam my pastarajemsia strymać inflacyjnyja pracesy i zabiaśpiečyć nie samyja bahatyja płasty nasielnictva dobrymi jakasnymi tavarami. Płanujecca, što miechanizm zapracuje prykładna ŭ siaredzinie studzienia, — skazaŭ Bahdanaŭ.