Čarhovy demanstratyŭny sud: u Baranavičach za kamientaryj pra Łukašenku mužčynu sudzili na fabrycy, dzie jon pracavaŭ
U paniadziełak, 20 śniežnia, adbyŭsia vyjazny sud nad 27-hadovym rabotnikam meblevaj fabryki «Łahuna» Siarhiejem Karpieniem, paviedamlajuć pravaabaroncy.
26.12.2021 / 13:25
Pavodle viersii śledstva, 17 vieraśnia 2020 hoda Siarhiej «z metaj naniasieńnia škody honaru i hodnaści prezidenta RB» u telehram-kanale «Baranavičy-97%» pakinuŭ paviedamleńnie ź nienarmatyŭnaj leksikaj. Što mienavita było napisana ŭ paviedamleńni, nie ŭdakładniajecca.
Suddzia Ina Paŭłoŭskaja vyniesła mužčynu prysud pa č. 1 art. 368 KK u vyhladzie dvuch hadoŭ «chimii», jak i prasiŭ prakuror Vadzim Karačun. Akramia taho, suddzia pastanaviła kanfiskavać na karyść dziaržavy telefon abvinavačanaha.
A paśla pasiadžeńnia dziaržabvinavaŭca Karačun rastłumačyŭ kiraŭnictvu i rabotnikam meblevaj fabryki mahčymyja pravavyja nastupstvy «supraćpraŭnych pavodzinaŭ» u internecie.