Ukraincy naładzili vypusk topavych udarnych bieśpiłotnikaŭ
«Usio pačałosia z pastavak bajraktaraŭ, a ciapier zapuščana ich vytvorčaść užo va Ukrainie», — raskazaŭ kiraŭnik Ofisa prezidenta Ukrainy Andrej Jermak u intervju focus.ua.
25.12.2021 / 17:42
«My pašyrajem naša supracoŭnictva z Turcyjaj. Usio pačałosia z pastavak bajraktaraŭ, a ciapier zapuščana ich vytvorčaść užo va Ukrainie. Kali kažuć, što heta tureckija bajraktary, — tak, my ich atrymali z Turcyi, ale važna adznačyć, što ruchaviki dla hetych bieśpiłotnikaŭ vyrablajucca ŭ našaj krainie» — raskazaŭ jon.
«Bajraktar» — heta bajavy raźviedvalna-ŭdarny bieśpiłotny kompleks tureckaj vytvorčaści. Pryznačany dla nazirańnia za terytoryjaj praciŭnika z pavietra i apieratyŭnaha vyjaŭleńnia i padaŭleńnia celaŭ. Jon abstalavany kiravanymi rakietami i avijacyjnymi bombami. Bajavy dron abstalavany niekalkimi kamierami, sučasnym prahramnym zabieśpiačeńniem i moža biez pasadki znachodzicca ŭ pavietry bolš za sutki.
Uzbrojenyja «Bajraktarami» azierbajdžanskija vojski razhramili armianskija ŭ Nahornym Karabachu. Armianie mieli na ŭzbrajeńni rasijskuju techniku i nie mieli sučasnych bieśpiłotnikaŭ.