Žurnalista Aleha Hruździłoviča pieraviali ŭ SIZA na Vaładarskaha

Pra heta paviedamiŭ žoncy śledčy. Žurnalist prachodzić pa spravie ab arhanizacyi masavych biesparadkaŭ, i miera strymańnia jamu źmienienaja na aryšt. 

24.12.2021 / 08:06

Pa hetym artykule praduhledžana pakarańnie da čatyroch hadoŭ kałonii.

Za čas paśla papiaredniaha aryštu ŭ lipieni 2021 hoda nivodnaha dopytu Aleha Hruździłoviča nie było.

Žurnalista zatrymali ŭ čacvier ludzi ŭ maskach.

Sioleta ŭ pieršy raz Hruździłoviča razam ź Inesaj Studzinskaj i Alesiem Daščynskim zatrymali 16 lipienia. U redakcyi Svabody praviali vobšuk, ofis byŭ uzłamany. Ciaham dziesiaci dzion ich usich adpuścili, nahadvaje BAŽ.

Hruździłovič tady admoviŭsia davać pakazańni. Pry vyzvaleńni jon daŭ padpisku ab jaŭcy. Try dni mužčyna haładaŭ za kratami na znak pratestu suprać zatrymańnia i salidarnaści ź Inesaj Studzinskaj, jakaja haładała 9 dzion, z patrabavańniem dapuścić da jaje advakata.

23 śniežnia siłaviki pryznali Radyjo Svaboda ekstremisckim farmiravańniem, a taksama stała viadoma pra toje, što na Andreja Kuźniečyka zaviedziena kryminalnaja sprava.