Prakuratura Niderłandaŭ zapatrabavała pažyćciovaha dla fihurantaŭ spravy ab krušeńni MH17 nad Danbasam
Bok abvinavačvańnia patrabuje prysudzić čacviarych fihurantaŭ spravy ab krušeńni samalota «Małajzijskich avijalinij» — Ihara Hirkina, Siarhieja Dubinskaha, Aleha Pułatava i Leanida Charčanku — da pažyćciovaha źniavoleńnia.
22.12.2021 / 14:29
Pra heta abviaściŭ pradstaŭnik prakuratury Niderłandaŭ padčas abviaščeńnia abvinavaŭčaha zaklučeńnia pa spravie MH17, što byŭ źbity nad Danbasam u lipieni 2014 hoda.
Čytańnie dakumienta doŭžyłasia try dni.
«Dziejańni abvinavačanych nie tolki pazbavili žyćcia 298 čałaviek, jany pakinuli hłybokija šnary ŭ dušach — svajakoŭ zahinułych i žycharoŭ nasielenych punktaŭ, pablizu jakich adbyłosia krušeńnie MN17. Nijakaje pakarańnie dla abvinavačanych nie budzie spraviadlivym», — skazaŭ prakuror.