Пуцін заявіў, што амерыканцы збіраюцца паставіць ва Украіну гіпергукавую зброю
Выступаючы на пашыраным пасяджэнні калегіі Міністэрства абароны Расіі, Уладзімір Пуцін сёння выказаўся пра магчымасць пастаўкі ЗША зброі Украіне.
21.12.2021 / 18:32
Паводле Пуціна, амерыканцы гатовыя пастаўляць украінцам такую зброю, якой пакуль што няма нават у іх саміх:
«Паставяць ва Украіне гіпергукавую зброю (калі яна будзе распрацаваная амерыканцамі)… Пад гэтым прыкрыццём узброяць і будуць штурхаць на Расію экстрэмістаў з суседняй дзяржавы, у тым ліку на асобныя рэгіёны Расіі».
Пад «асобнымі рэгіёнамі Расіі» ён разумее перш за ўсё анексаваны ў 2014 годзе Крым.