Класныя кіраўнікі атрымаюць надбаўку 207 рублёў
Надбаўка ўводзіцца загадам кіраўніка ўстановы адукацыі з 1 студзеня 2022 года. Яе памер ‒ 100 працэнтаў базавай стаўкі (207 рублёў), яна выплачваецца штомесяц. Пра гэта паведамляе прэс-служба Міністэрства адукацыі.
17.12.2021 / 23:44
Надбаўка за класнае кіраўніцтва (куратарства над вучэбнай групай) выплачваецца настаўнікам, якія выконваюць функцыі класнага кіраўніка ва ўстановах агульнай сярэдняй і спецыяльнай адукацыі, а таксама выкладчыкам, якія выконваюць функцыі куратара вучэбнай групы ва ўстановах прафесійна-тэхнічнай і сярэдняй спецыяльнай адукацыі.