ZŠA ŭviali sankcyi suprać načalnikaŭ Akreścina
Dziarždepartament uvioŭ sankcyi suprać načalnikaŭ izalatara ŭ zavułku Akreścina ŭ Minsku ŭ suviazi ź ich udziełam u parušeńniach pravoŭ čałavieka. Pra heta havorycca ŭ apublikavanaj u piatnicu piśmovaj zajavie dziaržsakratara Entani Blinkiena.
10.12.2021 / 20:03
«Dziarždepartament uvodzić sankcyi <…> suprać nastupnych asob za ich dačynieńnie da hrubych parušeńniaŭ pravoŭ čałavieka:<…> Ihar Kieniuch i Jaŭhien Šapiećka, kiraŭniki sumna viadomaha izalatara Akreścina ŭ Minsku (Biełaruś), za ich dačynieńnie da hrubych parušeńniaŭ pravoŭ čałavieka, a mienavita da katavańniaŭ i/abo žorstkaha, biesčałaviečnaha i źnievažalnaha abychodžańnia i pakarańnia zatrymanych paśla sfalsifikavanych prezidenckich vybaraŭ 9 žniŭnia 2020 hoda», — havorycca ŭ paviedamleńni Blinkiena.