Vizu kiraŭniku Fiederacyi futboła Bazanavu vydała pasolstva Vienhryi
Staršynia ABFF Uładzimir Bazanaŭ, jakoha na minułym tydni palicyja vysłała z Čechii, atrymaŭ vizu ŭ Šenhienskuju zonu ad Vienhryi, śćviardžaje Deník N.
07.12.2021 / 09:37
«Siońnia ŭ Biełarusi praściej za ŭsio atrymać šenhienskuju vizu praz hetuju krainu, vykarystoŭvajučy vysokija palityčnyja kantakty», — kaža analityk Asacyjacyi mižnarodnych spravaŭ Pavał Haŭličak.
Nahadajem, što Bazanava zatrymali ŭ minuły aŭtorak — jon razam z žonkaj supravadžaŭ žanočuju futbolnuju zbornuju na matč u Čechiju. Na nastupny dzień jamu anulavali vizu i zahadali i pakinuć krainu.
Dahetul było pytańnie, jakim čynam Bazanaŭ, jaki znachodzicca ŭ sankcyjnych śpisach, atrymaŭ vizu, bo češskaje Ministerstva zamiežnych spraŭ jamu jaje nie vydavała. I voś vydańnie Deník N daviedałasia z troch krynic u MZS i palicyi, što standartnuju trochmiesiačnuju vizu jamu vydała Vienhryja.