U litoŭskim Kaŭnasie mužčyna pasiarod nočy padpaliŭ hałoŭnuju jalinku horada
Pieršyja paviedamleńni pra toje, što haryć jalinka, pastupili 4 śniežnia kala 2-j hadziny nočy. Pakul adny vidavočcy z aŭtamabilnymi vohnietušycielami sprabavali ścišyć połymia, inšyja zdymali ŭsio na videa.
04.12.2021 / 13:32
Dziažurny pažarnaj słužby raspavioŭ partału Kas vyksta Kaune, što pažarnyja łakalizavali i spynili ahoń litaralna za niekalki chvilin, ale paśpieła zhareć 15 kv. m kaladnaj jalinki.
Jak paźniej raspaviała palicyja, u noč z 3 na 4 śniežnia kala 1:40 da jalinki na ratušnaj płoščy ŭ Kaŭnasie padjechaŭ aŭtamabil Mitsubichi ASX. Ź jaho vyjšaŭ kiroŭca, abliŭ jalinku zapalnaj sumiessiu i padpaliŭ jaje. Paśla čaho sieŭ u aŭtamabil i źjechaŭ. Užo praz 20 chvilin 39-hadovaha padazravanaha zatrymlivała palicyja. Pry hetym paciarpieŭ adzin z supracoŭnikaŭ, jamu pryznačanaje ambułatornaje lačeńnie.
Municypalitet Kaŭnasa paviedamiŭ, što kamanda ŭžo pracuje na płoščy i likviduje nastupstvy pažaru.