Mieziencaŭ: Siońnia niama razmovy pra adzinuju valutu Rasii i Biełarusi
Dziaržsakaratar Sajuznaj dziaržavy Dźmitry Mieziencaŭ zajaviŭ, što, niahledziačy na damovu ab Sajuznaj dziaržavie, u jakoj abaznačany vychad na adzinuju valutu, ab hetym ciapier havorki niama. Pra heta jon zajaviŭ u intervju telekanału «Rossiia 1». Taksama Mieziencaŭ adznačyŭ, što siońnia i rasijski, i biełaruski rubiel zachoŭvajuć svaju ŭstojlivaść.
06.11.2021 / 16:55
Fota: tass.ru
«Miž tym vychad na adzinuju valutu dazvolić Sajuznaj dziaržavie zabiaśpiečvać sumiesny kantrol finansaŭ i spyniać admyvańnie i vyvad hrošaj, — adznačyŭ Mieziencaŭ. — Asobnaja karta pryśviečana vykarystańniu nacyjanalnych płaciežnych sistem, jakija nieabchodna ŭdaskanalvać»
U dadatak Mieziencaŭ zajaviŭ, što ciapier rychtujecca simvolika dla Sajuznaj dziaržavy.
«Što tyčycca simvoliki dla Sajuznaj dziaržavy, my nad hetym pracujem, — raspavioŭ Mieziencaŭ. — My bačym abjadnoŭvajučy simvał, jaki nieabchodny».
Jon dadaŭ, što simvolika moža chutka źjavicca na sumiesnych dakumientach. Ale jak jana budzie vyhladać, nie ŭdakładniŭ.
Nahadajem, u čacvier Łukašenka i Pucin padpisali 28 sajuznych prahram. Što ŭ ich, nieviadoma.