Расіянін падаў у суд на гурт Metallica. Сцвярджае, што ён прыдумаў усе песні, і хоча $1 мільярд
Грамадзянін Расіі Іван Хахлоў звярнуўся у суд Арлоўскай вобласці з пазовам да амерыканскага метал-гурта Metallica.
05.11.2021 / 10:02
Ён патрабуе ад музыкантаў мільярд даляраў. Пазоў з'явіўся ў картатэцы арбітражных спраў.
Падставы пазову афіцыйна невядомыя. Аднак, як піша юрыдычны тэлеграм-канал «Арбітр», Хахлоў заяўляе, што ён з'яўляецца аўтарам усіх тэкстаў, музыкі гурта, яго лагатыпа і вокладак альбомаў.
Таксама расіянін патрабуе прызначыць яму «пажыццёвае ўтрыманне з даходаў продажаў музыкі, атрыбутыкі Metallica».