Rasija na vychodnych rezka skaraciła pastaŭki hazu ŭ Jeŭropu praź Biełaruś

Pierapampoŭka pa hazapravodzie Jamał — Jeŭropa za vychodnyja źniziłasia da kala 0,3 młn kubamietraŭ u hadzinu. Raniej «Hazpram» braniravaŭ pierapampoŭku ŭ abjomie kala 31 młn kubamietraŭ za sutki ŭ kastryčniku i listapadzie. Heta vynikaje z danych jeŭrapiejskaha hazatranspartnaha apieratara Gascade, piša «Radyjo Svaboda».

25.10.2021 / 15:37

«Hazpram» prakamentavaŭ źnižeńnie pierapampoŭvańnia pa hazapravodzie tym, što pastaŭlaje haz u Jeŭropu ŭ adpaviednaści z zajaŭkami spažyŭcoŭ pavodle kantraktaŭ.

Transnacyjanalny hazapravod Jamał — Jeŭropa prachodzić pa terytoryi čatyroch krain: Rasii, Biełarusi, Polščy i Niamieččyny. Jaho prajektnaja mahutnaść — 32,9 młrd kubamietraŭ hazu ŭ hod.