Для атрымання планавай меддапамогі трэба будзе здаць ПЛР
Пра гэта заявіў памочнік Лукашэнкі Аляксандр Косінец. Для аказання планавай медыцынскай дапамогі насельніцтву будуць задзейнічаны абласныя бальніцы і рэспубліканскія навукова-практычныя цэнтры.
21.10.2021 / 16:31
«Дапамога ў галіне анкалогіі, кардыялогіі, траўматалогіі, неўралогіі і нейрахірургіі, педыятрыі, акушэрства і гінекалогіі, планавая стаматалогія — гэта будзе аказвацца ў поўным аб'ёме», — сказаў ён.
Але ёсць нюанс. Паводле яго слоў, папярэдне пацыент павінен будзе здаць аналіз на ПЛР, каб была поўная ўпэўненасць, што ў яго няма кавіду.
Кошт ПЛР-тэста ў Беларусі цяпер ад 17 рублёў.