Спікер Еўрапарламента заклікаў ЕC даць прытулак афганцам, якім пагражае пераслед
Пра гэта напісаў у панядзелак у Twitter кіраўнік Еўрапарламента Давід Сасолі.
16.08.2021 / 14:30
«Сітуацыя, што разгортваецца ў Афганістане, патрабуе адзінага адказу ЕС. Гэтай краіне трэба працяглае і ўсёабдымнае палітычнае рашэнне, якое абароніць правы жанчын і дазволіць афганцам годна жыць у бяспецы. Прытулак павінен быць прадстаўлены тым, каму пагражае пераслед», — напісаў Сасолі.
17 жніўня ў Брусэлі адбудзецца экстранная відэаканферэнцыя кіраўнікоў МЗС ЕС, на якой сітуацыя ў Афганістане стане галоўнай тэмай.
18 жніўня пройдзе экстранная відэаканферэнцыя міністраў унутраных спраў краін Еўрасаюза, на якой першапачаткова меркавалася абмяркоўваць міграцыйны крызіс на мяжы Літвы і Беларусі, аднак зараз гэтае пытанне можа быць пасунута праблемай масавага зыходу бежанцаў.