Дацэнт МДЛУ Юрый Стулаў, які адпрацаваў там 55 гадоў, сыходзіць з універсітэта
Дацэнт МДЛУ Юрый Стулаў сыходзіць з універсітэта. 30 чэрвеня ў яго апошні працоўны дзень.
18.06.2021 / 12:54
Фота «Радыё Свабода»
Як стала вядома «Нашай Ніве», кантракт у выкладчыка скончыўся яшчэ 2 сакавіка. Дамову не працягнулі не па ініцыятыве Стулава. На перыяд з 3 сакавіка па 30 чэрвеня з ім заключылі тэрміновы кантракт, каб ён мог давесці запланаваныя пары ў студэнтаў.
У МДЛУ Юрый Стулаў працаваў 55 гадоў. З 1990 па 1994 быў прарэктарам па навучальнай працы. Калі ўвосень ва ўніверсітэт прыйшла новая рэктарка Наталля Лапцева, дацэнт эмацыйна выступіў на сходзе — яму было балюча і сорамна за тое, што ў калідорах хадзілі ціхары, высочвалі студэнтаў і дацэнта Наталлю Дуліну.