Луганскія баевікі рыхтуюцца судзіць Пратасевіча
Кіраўніцтва так званай «ЛНР» рыхтуецца да судовага працэсу над Раманам Пратасевічам, якога затрымалі 23 мая ў Беларусі пасля прымусовай пасадкі самалёта. Пра гэта паведамляе «Інтэрфакс», які цытуе прадстаўніка «ЛНР» Радзівона Мірошніка.
11.06.2021 / 16:19
«Я лічу, што гэта цалкам магчыма, але гэтаму будзе папярэднічаць сур'ёзная скрупулёзная праца», — кажа прадстаўнік прарасійскага сепаратысцкага ўтварэння на ўсходзе Украіны.
Па яго словах, «трэба прайсці працэдурна-следчую частку, пасля якой павінны быць аформлены ўсе неабходныя дакументы, і ўжо пасля гэтага можна будзе весці гаворку… аб тым, якім чынам чалавека, які здзейсніў злачынства, прыцягваць да суда менавіта ў нас».
Ён распавёў, што ў «ЛНР» створана «следчая група», якая займаецца Пратасевічам і ўжо накіравала адпаведныя дакументы ў праваахоўныя органы Беларусі.