У Ратэрдаме прайшоў другі паўфінал «Еўрабачання»
Фіналістамі Міжнароднага конкурсу «Еўрабачанне» па выніках другога паўфіналу, які адбыўся ў чацвер вечарам у Ратэрдаме на арэне Ahoy, сталі музыканты з Албаніі, Малдовы, Сербіі, Балгарыі, Партугаліі, Ісландыі, Сан-Марына, Швейцарыі, Грэцыі і Фінляндыі.
21.05.2021 / 07:15
Характэрна, што ісландская група Daði og Gagnamagnið не выступала ўжывую з-за таго, што адзін з членаў калектыву атрымаў станоўчы тэст на каранавірус. Падчас паўфіналу паказалі запіс рэпетыцыі.
А прадстаўніца Малдовы Наталля Гардзіенка выканала самую доўгую ноту ў гісторыі «Еўрабачання» — яна доўжылася 17 секунд/
Усяго ў другім паўфінале ўзялі ўдзел прадстаўнікі 17 краін.
65-ы конкурс «Еўрабачанне» праходзіць у Ратэрдаме пад слоганам «адкрыйся» (Open Up). Пераможца вызначыцца ў фінале 22 мая.