MZS Biełarusi pra amierykanskija sankcyi suprać RF: My za kanstruktyŭny i ŭzajemapavažlivy dyjałoh
U Ministerstvie zamiežnych spraŭ Biełarusi pa prośbie žurnalistaŭ prakamientavali ŭviadzieńnie ZŠA novaha pakieta sankcyj suprać Rasii, paviedamlaje BiełTA.
16.04.2021 / 16:13
«My ŭ pryncypie ličym — i nie raz kazali pra heta, — što sankcyi — bieskarysny i kontrpraduktyŭny instrumient. Bolš za toje, pa sutnaści, heta naŭmysnaje škodnictva. Usio prykryvajecca dobraprystojnaj padstavaj, a na samaj spravie śviadoma nanosicca ŭron kampanijam, dabrabytu hramadzian, u tym liku i tych krain, jakija ŭvodziać sankcyi. Parušajucca rabočyja kantakty, hienierujecca napružańnie, uzmacniajecca niestabilnaść u hłabalnym maštabie i hetak dalej», — adznačyli ŭ MZS.
«My suprać padobnaha stylu znosin i vystupajem za kanstruktyŭny i ŭzajemapavažlivy rasijska-amierykanski dyjałoh. Heta nadzvyčaj važna jašče i tamu, što hety praces akazvaje istotny ŭpłyŭ na biaśpieku i stabilnaść u našym rehijonie», — reziumavali ŭ MZS.