Dziarždepartament ZŠA asudziŭ prymianieńnie siły suprać pratestoŭcaŭ u Rasii
Złučanyja Štaty asudžajuć praciah prymianieńnia siły suprać pratestoŭcaŭ u Rasiei, havorycca ŭ zajavie Dziaržaŭnaha departamentu ZŠA 31 studzienia, piša «Radyjo Svaboda».
31.01.2021 / 20:51
«ZŠA asudžajuć praciah prymianieńnia rasiejskimi ŭładami žorstkaj taktyki suprać mirnych pratestoŭcaŭ i žurnalistaŭ druhi tydzień zapar», — havorycca ŭ zajavie amerykanskaha źniešniepalityčnaha viedamstva.
Dziaržaŭny departament zaklikaje rasiejskija ŭłady vyzvalić zatrymanych za «ažyćciaŭleńnie svaich pravoŭ čałavieka», u tym liku — rasiejskaha apazycyjanera Alaksieja Navalnaha.
Viadoma pra jak najmienš 4 tysiačy zatrymanych padčas masavych pratestaŭ u Rasiei. U tym liku viadoma pra ŭžyvańnie elektrašokieraŭ suprać pratestoŭcaŭ u Sankt-Pieciarburhu.