Мінчуку, які напіўся і пагражаў узарваць Палац Незалежнасці, далі тры месяцы арышту
28.12.2020 / 23:11
Вырак быў вынесены 24 снежня ў судзе Заводскага раёна Мінска, а сам інцыдэнт здарыўся 14 верасня, паведамляе прэс-служба Вярхоўнага суда.
У 22:14 нецвярозы мінчук на вуліцы Галадзеда патэлефанаваў 102 і заявіў дыспетчару, што мае выбуховае прыстасаванне і збіраецца падарваць Палац Незалежнасці.
Да палаца выехалі супрацоўнікі МУС, каб праверыць словы. Але ніякіх выбухованебяспечных прадметаў ні ў мужчыны, ні ў будынку не знайшлі.
За заведама лжывае паведамленне пра падрыхтоўку выбуху мінчука асудзілі на тры месяцы арышту. Таксама яму давядзецца прайсці прымусовае лячэнне ад алкагалізму.