У Магілёве дзве сяброўкі схадзілі ў госці. Хлопец застаўся без грошай
25.12.2020 / 11:09
20-гадовы магілёвец звярнуўся ў Ленінскі РАУС з заявай, што ў яго прапала 835 рублёў.
Грошы зніклі ў кватэры прыяцеля хлопца, дзе ён быў у гасцях. Як высветлілі супрацоўнікі міліцыі, іх забралі 18-гадовая і 15-гадовая дзяўчыны, якія праводзілі час у той жа кампаніі. Скарыстаўшыся тым, што ўвага аднаго з гасцей аслабела праз выпіты алкаголь, яны дасталі грошы з яго гаманца.
Скрадзенае дзяўчыны змарнавалі.
Завялі крымінальную справу.