Праваабаронцы назвалі імёны новых палітвязняў. Цяпер іх 157
17.12.2020 / 18:44
У Беларусі з'явіліся яшчэ двое палітычных зняволеных.
Гэта Ціхан Клюкач і Сафія Малашэвіч, якія 6 верасня на «Маршы адзінства» ў Мінску малявалі балончыкам з фарбай па шчытах спецсродкаў загароджвання.
Ціхана і Сафію абвінавачваюць па ч.1 арт. 342 (арганізацыя ці ўдзел у групавых дзеяннях, якія груба парушаюць грамадскі парадак) і ч. 2 арт. 339 КК (хуліганства, здзейсненае групай асоб). Яны ўтрымліваюцца ў СІЗА Жодзіна.