Izrailski dypłamat patłumačyŭ Cichanoŭskaj, čamu pasoł u Biełarusi ŭručyŭ davierčyja listy Łukašenku
10.12.2020 / 18:15
Śviatłana Cichanoŭskaja sustrełasia z pasłom Izraila. Siońnia pasoł dziaržavy Izrail u Litvie Josief Levi naviedaŭ ofis Śviatłany Cichanoŭskaj u Vilni. Jon patłumačyŭ, što ŭručeńnie davierčych hramat Łukašenki novym ambasadaram Izraila ŭ Minsku nie aznačaje padtrymku dziejańniaŭ režymu Łukašenki. Heta było zroblena, kab Izrail moh dapamahać pradstaŭnikam jaŭrejskaj supolnaści ŭnutry Biełarusi.
Śviatłana Cichanoŭskaja i Josief Levi abmierkavali situacyju z pravami čałavieka ŭ Biełarusi. Śviatłana Cichanoŭskaja raspaviała pra eskałacyju hvałtu z boku režymu i stanovišča palitviaźniaŭ. Ad imia Izraila Levi vykazaŭ padtrymku biełaruskamu narodu ŭ imknieńni da demakratyi i svabody.