HUBAZiK złaviŭ 15-hadovaha administratara «Karnikaŭ Biełarusi». I nie zmoža jaho pakarać
08.12.2020 / 16:31
Siłaviki zatrymali 15-hadovaha padletka ź Lubani, jaki pryznaŭsia ŭ tym, što byŭ administrataram telehram-kanała «Karniki Biełarusi» z amal 80 tysiačami padpisčykaŭ.
Historyja nie da kanca zrazumiełaja, bo isnuje niekalki kanałaŭ-kłonaŭ z padobnymi nazvami. Siłaviki kažuć, što chłopiec kantralavaŭ adras @karatelibelarusi. Adnak hety kanał praciahvaje pracu.
Padletak skazaŭ, što ŭ listapadzie atrymaŭ $400 u jakaści ŭznaharodžvańnia ad karystalnikaŭ.
Pakul niezrazumieła, što mienavita inkryminujecca padletku. Adkaznaść pa bolšaści artykułaŭ Kryminalnaha kodeksa nastupaje z 16 hadoŭ. U śpisie vyklučeńniaŭ niama nivodnaha artykuła, da jakich moh by być datyčny chłopiec.