Łukašenka pra ŭčorašniaje rašeńnie MAK: Chaj Bach i banda raskažuć, u čym maja vina
08.12.2020 / 12:10
Siońnia Alaksandr Łukašenka ŭ Stoŭbcach prakamientavaŭ učorašniaje rašeńnie Mižnarodnaha alimpijskaha kamiteta ab zabaronie jamu i členam Nacyjanalnaha alimpijskaha kamiteta Biełarusi naviedvać Alimpijady.
«Treba nam źviarnucca ŭ sud. Chaj [staršynia MAK Tomas] Bach i banda raskažuć, u čym maja vina, što ja svaju krainu abaraniaju?! Udzieł u hetych mierapryjemstvach ja 25 hadoŭ nie prymaŭ, pieražyvu i dalej. Ale vy što, sabrali ŭsie krainy i pryniali rašeńnie?? I dobra ja, navošta dziaciej čapajecie? Niama spraviadlivaści ŭ śviecie. Kali ty spraviadlivuju palityku vybudoŭvaješ — budzieš voraham».
Mižnarodny alimpijski kamitet abviaściŭ u paniadziełak ab sankcyjach u dačynieńni da NAK Biełarusi. U pryvatnaści, zabarona na ŭdzieł va ŭsich mierapryjemstvach MAK, uklučajučy Alimpijadu, datyčycca ŭsich členaŭ vykankama NAK.