Kaleśnikavu, Capkała i Cichanoŭskuju ŭznaharodzili premijaj «Biasstrašnaje słova»
07.12.2020 / 13:27
Fota Nadziei Bužan
Uznaharoda imia Marcina Lutera prysudžanaja Śviatłanie Cichanoŭskaj, Vieranicy Capkała i Maryi Kaleśnikavaj. Pa słovach arhkamiteta premii, hetyja try žančyny simvalizujuć baraćbu dziasiatkaŭ tysiač mirnych demanstrantaŭ za palityčnyja pieramieny ŭ Biełarusi. Cyrymonija ŭznaharodžańnia projdzie 24 krasavika ŭ niamieckim Vormsie, paviedamlaje telehram-kanał Viktara Babaryki.
Premija «Biasstrašnaje słova» zasnavanaja sajuzam 16 haradoŭ, u jakich žyŭ i pracavaŭ niamiecki refarmatar Marcin Lutar. Adzin raz u dva hady jana ŭručajecca ludziam, jakija śmieła abaraniajuć svaje pierakanańni, sustrakajučy na svaim šlachu žorstki supraciŭ.
Aficyjny kanał Viktara Babaryki spadziajecca, što Maryja Kaleśnikava zmoža razam sa Śviatłanaj i Vieranikaj asabista atrymać uznaharodu.