Выпадак ля Гродна: ад МАЗа адвалілася кола і пашкодзіла два аўтамабілі
04.12.2020 / 10:44
ДАІ
Здарэнне адбылося 3 снежня, каля 09:00, паблізу Путрышак, паведамляе абласное ДАІ.
На трасе Гродна — Азёры — Радунь у МАЗа адвалілася кола. Яно апынулася на паласе сустрэчнага руху, дзе ўрэзалася ў «Фальксваген». Пасля гэтага адляцела ў «Шкоду», падскочыла і зноў урэзалася ў «Фальксваген» — уляцела ў яго задняе шкло.
У выніку ДТЗ ніхто з кіроўцаў не пацярпеў, аўтамабілі атрымалі механічныя пашкоджанні.