Prakuror patrabuje pryhavaryć maładziečancaŭ, jakija adbivali zatrymanaha ŭ siłavikoŭ, na 3 hady źniavoleńnia
28.09.2020 / 16:59
Pavieł Piaskoŭ, spring96.org
Maładziečancaŭ, jakija adbivali zatrymanaha ŭ siłavikoŭ na akcyi, prakuror prosić pazbavić voli na 3 hady, piša spring96.org.
Siońnia ŭ Maładziečnie dziaržaŭny abvinavaŭca paprasiŭ sud pakarać Paŭła Piaskova i Uładzisłava Jeŭściahniejeva, jakija abvinavačvajucca pa č. 2 art. 363 Kryminalnaha kodeksa (supraciŭ supracoŭniku AMAPa, źviazanym z užyvańniem hvałtu) za patasoŭku ź siłavikami 19 červienia, pazbaŭleńniem voli ŭ kałonii ahulnaha režymu.
Paŭła Piaskova paprasiŭ pazbavić voli na 3 hady i 3 miesiacy ŭ kałonii ahulnaha režymu, a Uładzisłava Jeŭściahniejeva na try miesiacy mienš — 3 hady pazbaŭleńnia voli ŭ kałonii ahulnaha režymu.
Abviaščeńnie prysudu Piaskovu i Jeŭściahniejevu suddzia Viktoryja Palaščuk pryznačyła na zaŭtra, 29 vieraśnia, a 10:00.