«Кіберпартызаны» ўзламалі сайт Міністэрства падаткаў? У карыстальнікаў праблемы з доступам
13.09.2020 / 22:36
Адзначаюцца праблемы з доступам на сайт Мінпадаткаў, паведамляюць некаторыя карыстальнікі, якія не могуць зайсці ў свае акаўнты.
У той жа час іншыя карыстальнікі паведамляюць, што яны свабодна заходзяць у свае кабінеты.
Учора «Кіберпартызаны Беларусі» пагражалі паралізаваць работу падатковых, калі сёння будзе затрыманы хоць адзін дэманстрант. Сёння міліцыя затрымала сотні людзей — здаецца, больш за 500 — на этапе збору і разыходжання ў Мінску ды іншых гарадах.