МУС: Учора былі затрыманыя 26 чалавек
04.09.2020 / 10:35
МУС піша ў тэлеграм-канале, што «ў падтрымку міру, бяспекі і спакою адбылося 20 масавых мерапрыемстваў ва ўсіх рэгіёнах краіны, у якіх удзельнічала каля 10 тысяч чалавек».
А «на тэрыторыі 9 населеных пунктаў рэспублікі прайшлі 30 пратэстных акцый, колькасць удзельнікаў на якіх склала каля 850 чалавек. У Мінску збор грамадзян быў адзначаны ў 18 месцах».
Затрымана 26 грамадзян, змешчаны ў месцы ўтрымання затрыманых 7 чалавек.