Сенатарка заявіла, што байкот некаторых вытворцаў не адбыўся
04.09.2020 / 10:27
Пра гэта заявіла ў эфіры «Беларусь 1» намесніца старшыні Пастаяннай камісіі Савета Рэспублікі па эканоміцы, бюджэце і фінансах Ірына Ляўковіч, паведамляе БЕЛТА.
«Заклік не купляць беларускае чыста тэхнічна і ідэалагічна не адбыўся, бо людзі даўно ўжо паказалі, якім таварам яны аддаюць перавагу», — сказала яна.
Паводле яе слоў, насельніцтва ў 77% выпадкаў аддае перавагу пры куплі харчовых тавараў менавіта тым таварам, якія зроблены ў нашай краіне.
Варта адзначыць, што ў інтэрнэце многія заклікалі перастаць купляць што б ні было ў «Табакерках», а таксама байкатаваць прадукцыю прадпрыемстваў Кіраўніцтва спраў прэзідэнта і кампаній, якія належаць мультымільянерам, набліжаным да Аляксандра Лукашэнкі. Такім чынам людзі хацелі выказаць свой пратэст супраць фальсіфікацыі выбараў і катаванняў.