U Hrodnie muž zabiŭ svaju žonku, a potym skončyŭ žyćcio samahubstvam. Heta bačyła ich dačka
05.08.2020 / 18:46
Uviečary 30 lipienia ŭ adnoj z kvater u Hrodnie znajšli cieła mužčyny i žančyny, paviedamlaje Śledčy kamitet.
Śledstva razhladaje roznyja viersii taho, što zdaryłasia, u tym liku viersiju pra toje, što 45-hadovy mužčyna nanios žoncy množnyja ŭdary, i ad atrymanych cialesnych paškodžańniaŭ jana pamierła. Paśla čaho jon, znachodziačysia ŭ vannaj, ździejśniŭ suicyd.
Akramia taho, u kvatery z paškodžańniami cieła znajšli ich 12-hadovuju dačku, jakuju advieźli ŭ balnicu.
Zhodna z papiarednimi źviestkami, muž i žonka źbiralisia skasavać šlub i padzialić sumiesnuju majomaść, jany pražyvali asobna.