Лукашэнка павіншаваў Леаніда Якубовіча
31.07.2020 / 08:06
Аляксандр Лукашэнка павіншаваў народнага артыста Расіі Леаніда Якубовіча з 75-годдзем, піша БелТА.
«На беларускай зямлі вас ведаюць і любяць як шматгранную асобу, выдатнага тэлевядучага, артыста, прадзюсара і сцэнарыста. Дзякуючы прыроднаму абаянню, шырокаму дыяпазону творчых магчымасцяў і бліскучаму пачуццю гумару вы заслужылі сапраўднае прызнанне шматлікіх прыхільнікаў і прафесіяналаў», — гаворыцца ў віншаванні.
Кіраўнік дзяржавы выказаў упэўненасць, што дзейнасць артыста і ў далейшым будзе дарыць удзячнай публіцы радасць і добры настрой, спрыяць умацаванню беларуска-расійскіх культурных сувязяў.
Лукашэнка пажадаў Якубовічу добрага здароўя і невычэрпнай энергіі для новых здзяйсненняў.